神户胜利船「偏离航道」

2018世界杯比分表 2019-05-03 03:58 阅读:149

神户胜利船众将需要尽快重拾状态。 如果要说本赛季日职联其中一支最受关注嘅队伍,相信众星云集嘅神户胜利船绝对会系大热选择之一。但联赛9轮过后,佢哋嘅发挥却实在难言理想。

恩尼斯达、大卫韦拿和普度斯基,再加上3月初来投嘅巴塞新星沙治森柏,星味十足嘅神户胜利船毫无疑问会被外界寄予极大期望。但近期联赛一波四连败却彻底淋熄咗佢哋嘅自信火焰。与此同时,今季联赛战罢9轮,3胜1和5负手握10分嘅神户胜利船仅排名第12位,距离一哥FC东京已经越嚟越远。一旦继续失分,大手笔投入嘅神户胜利船今季随时又要喺联赛中陪跑。

其实神户胜利船管理层并非毫不作为,喺球队此前第七轮不敌广岛三箭之后,领队祖安尼尔洛(Juan Manuel Lillo Diez)就惨闻鱿鱼香,教鞭则被转交予旧将吉田孝行(Takayuki Yoshida)。不过锐意改变球队战术打法,尤其系著重于重建防守体系嘅吉田孝行却在上任后嘅两场联赛中都无一例外遭遇败局。因此目前外界亦有唔少声音表示,改变及熟练新嘅战术打法需时,吉田孝行当下最紧要嘅系尽快带领神户胜利船取得分数走出困境。

唯一值得庆幸嘅系,目前只系啱啱踏入5月份,神户胜利船仍有时间调整航道,重新扬帆起航。
版权声明
本文由2018世界杯比分表整理发布,转载请注明出自神户胜利船「偏离航道」https://www.dike-design.net/fifa/35320.html